O Club Sincro Ferrol iniciou a súa actividade no ano 1997 como escola de servizo nas instalacións da Malata, competindo como Serviocio nalgunhas ocasións.

Foi no ano 2002 cando se converteu en Club, acción obrigatoria para poder participar nas competicións.

Dende ese mesmo ano a asociación iniciou un crecemento ascendente, o que incluía a participación de cada vez máis deportistas e así foi como se comezou a asistir a os campionatos de España. 

A tempada 2008/2009 foi durísima para o Club, xa que non había adestradora e foron as propias nadadoras as que montaron as súas rutinas para competir. Nesa tempada foi cando se empezaron a ter nadadoras no centro de alto rendemento: Antia Picallo, Carla Lagoa e Cristina de Castro.

O Club continuou o seu crecemento ata alcanzar o máximo número de nadadoras na  tempada 2018/2019. Nesta tempada o equipo tivo a sorte de contar coa axuda técnica da ex nadadora olímpica Laura Valle.