![](https://sincroferrol.com/wp-content/uploads/2024/01/fe4e107a-a864-41e4-8e86-7a2f76a3e9bc-1024x768.jpeg)
Este sábado 13 de Xaneiro celebrouse nas instalacións do pabellón dos Remedios (Ourense) a 2a xornada liga de figuras alevín e infantil e a copa promoción de prealevín.
En sesión de mañá participaron as prealevíns na súa primeira competición do ano, os nervios estaban á vista…
As nosas nadadoras Candela e Briana realizaron as súas tres figuras con moita ilusión : barracuda, perna de ballet estirada e kip.
❤️Briana Algaba (dereita) conseguiu unha 28 posición, sendo este o segundo ano que practica natación artística.
❤️Candela Loures (esquerda) conseguiu a 51 posición, sendo a súa primeira tempada realizando natación artística.
![](https://sincroferrol.com/wp-content/uploads/2024/01/9c71f0b0-6bcf-42cc-858f-0355245104d6-1-1024x722.jpeg)
En sesión de tarde xa pasamos á 2a xornada liga de figuras (alevín e infantil).
Sendo a segunda competición de figuras da tempada xa non había tantos nervios pero aínda así á hora de competir sempre existe un pouco de presión.
Na categoría de alevín presentamos a 7 nadadoras que forman un equipo espectacular.
![](https://sincroferrol.com/wp-content/uploads/2024/01/7c41d57d-2208-4b6c-841b-00a1ad42bdef-768x1024.jpeg)
As nosas sereas fixeron un traballo boísimo conseguindo moi boas posicións na clasificación xeral.
💚Noa Pico Pérez conseguiu a sexta posición na clasificación xeral e a primeira posición das nadadoras nacidas no 2014.
💚Némesis Lassey Blanco conseguiu a 15 posición xa que na figura de Ariana conseguiu unha excelente puntuación.
💚Ariela Soto Meizoso conseguiu a 27 posición.
💚Julia Varela Vila conseguiu a 33 posición.
💚Blanca Leiras Castro conseguiu a 34 posición.
💚Marta Leiras Castro conseguiu a 35 posición.
💚Sara Vigo Barros conseguiu a 44 posición.
![](https://sincroferrol.com/wp-content/uploads/2024/01/03770a24-cbd2-47da-86c8-6b81a7fba401-1024x576.jpeg)
Na última sesión do día competiron as nadadoras da categoría infantil na que Vera se esforzou ao máximo.
Vera Lamas Tenreiro é infantil de último ano mais á hora de preparar bailes está competindo na categoría junior (unha categoría superior á dela).
Nesta liga de figuras Vera conseguiu á 21 posición mellorando os resultados da anterior liga.
![](https://sincroferrol.com/wp-content/uploads/2024/01/a8e9de37-e0b9-4ad0-94a9-fcd18d4a467d-882x1024.jpeg)
E así foi como o Club Sincro Ferrol pasou un sábado cheo de figuras…✨